अनमोलको कृ र दयाहाङको कान्छीबीच हुने भयो टक्कर

अनमोलको कृ र दयाहाङको कान्छीबीच हुने भयो टक्कर

१११४ पटक पढिएको

यस वर्षको बहुप्रतिक्षीत मानिएको चलचित्र ‘कृ’को नयाँ प्रदर्शन मिति घोषणा भएको छ । पहिले नै फिल्मको रिलिज मिति ३ पल्ट परिवर्तन भईसकेको छ ।  सुरुमा भाद्र १६, त्यसपछि भाद्र ८ र फस्ट लुक पोस्टर सार्वजनिक गर्दा कात्तिक ३ गतेलाई फिल्म ‘कृ’को रिलिज मिति घोषणा गरिएकोमा अहिले फेरि फिल्म माघ २६ गते रिलिज हुने भनिएको छ । फिल्मको अझै लगभग १५ दिनको सुटिङ बाँकी हुँदै निर्माता सुवास गिरीले ‘कृ’लाई माघ २६ गते रिलिज गर्ने घोषणा गरेका हुन् । आफ्नो आधिकारीक फेसबुकमार्फत बिहीवार उनले ‘‘कृ’को अन्तिम सेड्युलको सुटिङ बिट मार्दै गरेको अवस्था । फिल्मको ट्रेलर यही मंसिरको पहिलो हप्ता आउनेछ“ भनेर लेखेका छन् । फिल्मको रिलिज ३ पल्ट सरेपनि फिल्मको प्रदर्शन मिति माघ २६ बाट अब नसर्ने निर्माता गिरीले जानकारी दिएका छन् ।  


रोचक कुरा के हो भने माघ २६ गतेलाई प्रदर्शन मिति घोषणा गर्दै दयाहाङ राई र श्वेता खड्का अभिनीत फिल्म “कान्छी” पनि प्रदर्शनमा आउँदैछ । “चरी चट्ट परी” बोलको गीत सार्वजनिक गर्दै “कान्छी”ले सोही मितिमा आफ्नो फिल्मको प्रदर्शन तोकेको छ । 


युवा पुस्तामाझ लोकप्रिय नायक अनमोल केसी र अभिनयका कारण सबैमा लोकप्रिय नायक दयाहाङ राईबिच हुने यो भिडान्तमा कसको जीत हुने हो त्यसको लागि माघ २६ गतेसम्म भने कुर्नैपर्ने हुन्छ ।