बाजेको सेकुवाका मजदुरले भने– हाम्रो बिचल्ली भयो

बाजेको सेकुवाका मजदुरले भने– हाम्रो बिचल्ली भयो

बाजेको सेकुवा रेष्टुरेन्टका विभिन्न आउटलेट बन्द गरिएपछि मजदुरहरु बिचल्लीमा परेका छन्। वर्षौँदेखि कार्यरत थलो प्रहरीले बन्द गरेपछि रोजीरोटी खोसिएको भन्दै मजदुर आन्दोलनमा उत्रने तयारीमा छन्। ३३ किलो सुन तस्करी, सनम शाक्य हत्या प्रकरणमा छानबिन गर्न बनेको समितिले काठमाडौं उपत्यकाका ६ वटा आउटलेटमा सिल गरेपछि उनीहरुको जागिर गुमेको हो। रेष्टुरेन्ट सञ्चालक चेतनाथ भण्डारी सुन तस्करीमा संलग्नता रहेको तथा आर्जन गरेको रकम रेष्टुरेन्टमा लगानी गरेको छानबिन समितिले दाबी गरेको छ। ‘हामीले काम गर्ने थलोमा एक्कासी प्रहरी आएर शिल लगाइदिएको छ। सञ्चालकको अपराधमा हामीले समेत दण्ड पाएका छौँ’ १० वर्षदेखि सेफका रुपमा कार्यरत श्यामसुन्दर हेम्बा श्रेष्ठले भने, ‘हाम्रो रोजीरोटी खोसिएको छ, अब के गर्ने थाहा छैन।’ श्रेष्ठले तलब पाउने मुखैमा रेष्टुरेन्ट बन्द हुँदा गुजारा गर्न गाह्रो परेको समेत बताए। यद्यपीसरकारले गर्ने छानबिनमा आफूहरुले समेत साथ दिने बताउँदै उनले सञ्चालकले अपराध गरेको भए उनीमाथि कारबाही हुनुपर्नेमा जोड दिए। तर रेष्टुरेन्ट नै बन्द गरेर मजदुरहरुलार्ई बेरोजगार बनाउन नहुने श्रेष्ठको माग छ। विगत ९ वर्षदेखि हाउस किपिङका रुपमा कार्यरत सुशिला तामाङले रेष्टुरेन्ट बन्द हुँदा बिचल्ली भएको बताइन्। ‘हामी रासनपानी उधारोमा लिएर गुजारा गर्ने मजदुर हौँ। महिना मरेपछि कोठा भाडा, बच्चाको फी र राशनको पैसा तिर्नुपर्छ। तलब पाउने मुखैमा रेष्टुरेन्ट बन्द भएपछि बिचल्ली भएको छ’, तामाङले भनिन्। उनले एक महिनाको तलब नपाएको तथा सञ्चयकोषमा जम्मा हुँदै आएको रकम कसरी पाउने भन्ने अन्योल रहेको बताइन्। बाजेको सेकुवा बन्द भइरहने हो भने सरकारले आफूहरुलाई रोजगारी दिनुपर्ने तामाङको भनाइ छ। कामदारहरुले ब्यक्तिलाई कारबाही गर्नुपर्नेमा संस्थालाई लक्षित गरेर कारबाही प्रक्रिया अघि बढाइएको भन्दै असन्तुष्टि जनाएका छन्। बाजेको सेकुवामा २ सय मजदुर कार्यरत छन्।

दाबेदार ब्राजिल र जब्बर स्वीस

दाबेदार ब्राजिल र जब्बर स्वीस

रोस्तोभ — रुसमा विश्वलाई आफ्नो हैसियत के हो भनेर देखाउने संकेत ब्राजिलले दिइसकेको छ । तर आइतबार विश्वकपको समूह ‘ई’ को पहिलो खेलमा जब्बर स्वीट्जरल्यान्डसँग उत्रँदा टोलीले आफ्नो उत्कृष्ट तयारीलाई निरन्तरता दिनुपर्नेछ । टिटेको प्रशिक्षणमा पाँचपल्टको विश्व च्याम्पियन ब्राजिलले उत्कृष्ट खेल्दै आएको छ । रुस विश्वकपलाई छनोट हुने पहिलो राष्ट्र पनि ब्राजिल हो । जबकि दक्षिण अमेरिकी छनोट चरणमा ब्राजिलको सुरुआत निकै दयनीय पारामा भएको थियो । अन्तमा ब्राजिल शीर्षस्थानमा रहँदै रुसको टिकट काट्न सफल भयो । क्रोएसिया र अस्ट्रियासँगको अभ्यास खेलमा ब्राजिलले राम्रो प्रभाव देखाएको थियो । फरवार्डहरू विलियन, रोबर्टो फिर्मिनो, ग्याब्रियल जेसस, फिलिप कोटिन्हो र प्रमुख स्ट्राइकर नेयमर सबै राम्रो लयमा देखिएका थिए । पछिल्लो विश्वकप आयोजकको हैसियतमा खेलेको ब्राजिललाई सेमिफाइनलमा जर्मनीले ७–१ ले धुलो चटाइदिएको थियो । ब्राजिलको यस कमजोर प्रदर्शनले २०१५ र २०१६ को कोपा अमेरिकामा पनि निरन्तरता पायो । जसका कारण रक्षात्मक शैली अपनाएका प्रशिक्षक डुंगाले जागिरबाट हात धुनुपर्‍यो । उनकै स्थानमा टिटे ल्याइएको थियो । उनले साओ पाउलोको कोरिन्थिएन्सलाई २०१२ मा कोपा लिबेर्टाडोरेज कप दिलाएका थिए । कोरिन्थिएन्सले चेल्सीमाथि असुहाउँदो विजय हात पार्दै त्यसपछि क्लब विश्वकप नै जितेको थियो । विद्यालयमा शारीरिक शिक्षाका शिक्षक रहिसकेका टिटेले ब्राजिली टोलीलाई डुंगा र त्यसअघिका प्रशिक्षक लुइस फिलिप स्कोलारीको समयमा भन्दा धेरै आक्रामक बनाएका छन् । टिटेको प्रशिक्षणमा ब्राजिलले निकै लोभलाग्दो प्रदर्शन गरेको छ । टोलीले २१ मध्ये १७ खेल जितेको छ र १ खेलमा मात्र हारेको छ । उनले हरेक खेलमा नयाँ कप्तान बनाउने गरेका छन् । यसले खेलाडीलाई अतिरिक्त जिम्मेबारी बढाएर हौसला प्रदान गर्ने गरेको पाइएको छ । ब्राजिलले छनोट चरणमा चिरप्रतिद्वन्द्वी अर्जेन्टिनामाथि ३–० को जित हात पारेको थियो । हालैमात्र जर्मनीमाथि १–० को जितले ब्राजिललाई २०१४ को विश्वकपमा पाएको पराजयमा मानसिक रूपमा दबाबबाहिर राखेको छ । ‘७–१ को पराजय हाम्रो दिमागमा छैन, अब हाम्रो स्तर विश्व च्याम्पियन्स बराबर भइसकेको छ । हामी पुन: इतिहास लेख्न चाहन्छौं,’ ब्राजिली रक्षक थिएगो सिल्भाले भने । ‘हामीसँग ठूलो आत्मविश्वास छ,’ मिडफिल्डर पाउलिन्होले भने, ‘धेरै हिसाबमा ब्राजिलले राम्रो तयारी गरेको छ । यो फुटबलको एउटा हिस्सा हो । चार वर्षमा धेरै सिक्न सकिन्छ ।’ ब्राजिलले खेल्न लागेको स्वीट्जरल्यान्ड त्यही टोली हो, जो विश्व वरीयताको छैटौं स्थानमा छ । छनोट चरणमा लगातार नवौ खेल जितेपछि स्वीस टोली यो स्थानमा आएको हो । तर क्लब स्तरमा खेल्दा स्विस खेलाडीको प्रदर्शन ठीक उल्टो छ । विङ्गर जेर्डान साकिरी खेलेको क्लब स्टोक सिटी इंग्लिस प्रिमियर लिगबाट रेलिगेसनमा परेको थियो । ग्रानिट झाकाले आर्सनलबाट एकरुपको प्रदर्शन गर्न सकेनन् भने फरवार्ड ह्यारिस सेफेरोभिकले २०१८ मा पोर्चुगिज हस्ती बेन्फिकाबाट एउटै खेल प्लेइङमा खेलेनन् ।

प्रधानमन्त्री केपी शर्मा ओली मंगलबार चीनको भ्रमणमा जाँदै

प्रधानमन्त्री केपी शर्मा ओली मंगलबार चीनको भ्रमणमा जाँदै

प्रधानमन्त्री केपी शर्मा ओली मंगलबार चीनको भ्रमणमा जाँदै हुनुहुन्छ । उच्चस्तरिय भेटवार्ता र दुवै देशको थप सम्बन्ध विस्तार गर्न उहाँको भ्रमण हुन लागेको हो । 

तराई द्रुतमार्ग (एक्सप्रेस वे) को विस्तृत परियोजना प्रतिवेदन (डीपीआर) निर्माणका लागि ६ कम्पनी सुचिकृत

तराई द्रुतमार्ग (एक्सप्रेस वे) को विस्तृत परियोजना प्रतिवेदन (डीपीआर) निर्माणका लागि ६ कम्पनी सुचिकृत

तराई द्रुतमार्ग (एक्सप्रेस वे) को विस्तृत परियोजना प्रतिवेदन (डीपीआर) निर्माणका लागि ६ कम्पनी पहिलो सुचिकृत भएका छन् ।  डीपिआर निमार्णका लागि प्रस्ताव दर्ता गराएका १७ मध्ये ६ कम्पनी पहिलो चरणमा सुचीकृत भएका हुन् । दुु्रतमार्ग निर्माणको जिम्मा पाएको नेपाली सेनाले साढे ३ महिनाको समय राखेर प्रस्ताव माग गरेकामा एक नेपाली सहित १७ कम्पनी इच्छुक देखिएका थिए । 

संघीय संसदको संयुक्त बैठक आज बस्दै

संघीय संसदको संयुक्त बैठक आज बस्दै

संघीय संसदको संयुक्त बैठक आज बस्दै छ । संसद भवन नयाँ बानेश्वरमा अपराह्न चार बजे बस्ने बैठकले संघीय संसदको संयुक्त बैठक र संयुक्त समिति कार्य सन्चालन नियमावली ०७५ पारित गर्नेछ ।

कार्यकर्ता रिहाइको माग गर्दै शैक्षिक हड्ताल

कार्यकर्ता रिहाइको माग गर्दै शैक्षिक हड्ताल

अनेरास्ववियु (क्रान्तिकारी) ले शैक्षिक हड्ताल गरेको छ । आफ्ना कार्यकर्तालाई झुटा मुद्दा लगाएको भन्दै विप्लव नेतृत्वको नेपाल कम्युनिष्ट पार्टी निकट अनेरास्ववियु (क्रान्तिकारी) ले शैक्षिक हड्ताल गरेको हो ।  

चितवनमा सवारी दुर्घटना हुँदा ३ जनाको मृत्यु ७ जना घाइते  ।

चितवनमा सवारी दुर्घटना हुँदा ३ जनाको मृत्यु ७ जना घाइते ।

चितवनमा आज बिहान सवारी दुर्घटना हुँदा ३ जनाको मृत्यु भएको छ । ७ जना घाइते छन् । काठमाडौंबाट मुग्लिनतर्फ आउँदै गरेको ना ६ ख ४०६४ नम्बरको ट्रकले पोखराबाट काठमाडौंतर्फ जाँदै गरेको ग १ ख ७६९२ नम्बरको माइक्रोबसलाई पानीधारा भन्ने स्थानमा बिहान ठक्कर दिँदा दुर्घटना भएको हो । चितवन प्रहरीका अनुसार, ३ जनाको दुर्घटनामा मृत्यु भए पनि सनाखत हुन सकेको छैन ।

थप हवाइ रूटबारे भारतसँग छलफल हुँदै

थप हवाइ रूटबारे भारतसँग छलफल हुँदै

भारतबाट नेपाल प्रवेश हुने थप हवाइ रूटबारे दुई देशका अधिकारीबीच काठमाडौंमा छलफल सुरु भएको छ। राजधानीको एक होटलमा बिहीबार बिहानदेखि छलफल जारी छ। छलफलमा नेपालमा बनिरहेका अन्तर्राष्ट्रिय विमानस्थलका लागि चाहिने रूट भारतले उपलब्ध गराउने र नेपालका तराई क्षेत्रका विमानस्थलबाट भारतीय सहरमा हुने सीमापार उडानबारे कुरा हुने नागरिक उड्ययन प्राधिकरणका उपमहानिर्देशक राजन पोखरेलले जानकारी दिए। छलफलमा भारतीय विमानस्थल प्राधिकरणका एयर नेभिगेसन प्रमुख एके दत्ता नेतृत्वको टोली सहभागी छ। नेपाली पक्षको नेतृत्व प्राधिकरणका एयर नेभिगेसन प्रमुख नरेन्द्रबहादुर थापाले गरेका छन्। छलफल शुक्रबारसम्म चल्नेछ। नेपाल–भारतको हवाइ सम्झौतामा नेपालले माग गरेका हवाइ रूट उपलब्ध गराउन भारत सैद्धान्तिक रूपमा सहमत भइसकेको छ। सम्झौताको ९ वर्ष बित्दा पनि नेपालले थप हवाइ रूट पाएको छैन। अहिले भारतीय आकाशबाट सिमरा हुँदैमात्र जहाज नेपाल आउन पाउँछन्। नेपालले जनकपुर, भैरहवा, नेपालगञ्ज र महेन्द्रनगरमा हवाइ रूट माग गरेको छ।

कृत्रिम महँगी: सरकारले मूल्य बढेको देखेन

कृत्रिम महँगी: सरकारले मूल्य बढेको देखेन

विभागले भने व्यवसायीसँग हरेक दिन छलफल भइरहेको दाबी गरेको छ । छलफलका क्रममा होलसेल व्यापार र चेम्बर अफ कमर्सका पदाधिकारीले मूल्य नबढेको दाबी गरेको विभागले जनाएको छ । भन्सार वृद्धि भएपछि केही मात्रामा बढ्नु स्वाभाविक भएको विभागको तर्क छ । बजेटको एक–दुई दिनमै मूल्य वृद्धि नभए पनि अहिले बजारमा केही समस्या रहेको महानिर्देशक गौचनले स्विकारे । होलसेल र खुद्राले एकअर्कालाई दोष दिएर पन्छिएको विभागले जनाएको छ । अनुगमनका क्रममा बिल नहुँदा पनि पुष्टि हुन नसकेको उनले बताए । ‘बिल दिँदैनन् । त्यसले गर्दा उपभोक्ताहरू ठगिए । उपभोक्ताहरूले मूल्य बढेको महसुस गरे,’ महानिर्देशक गौचनले भने, ‘बिल नहुँदा प्रमाण भएन ।’ बिलबीजकको अनुगमन र कारबाही गर्ने आन्तरिक राजस्व विभागले हो । तर, आन्तरिक राजस्व विभागले पनि बेवास्ता गर्दै आएको छ । व्यवसायीले बिलबीजक जारी गरे/नगरेको प्रभावकारी रूपमा अनुगमन गर्न सकेको छैन । ‘सरकारले बिल जारी गर भनेको छ । व्यवसायीको दायित्व पनि हो,’ उनले भने, ‘पारदर्शिताका लागि बिल अनिवार्य चाहिन्छ । तर, व्यवसायीले बिल जारी गरेका छैनन् ।’ बिलको विषयमा आन्तरिक राजस्व विभागसँग छलफल गरिने उनले बताए ।

विश्वकप फुटबल आजबाट सुरु हुँदै

विश्वकप फुटबल आजबाट सुरु हुँदै

रसियामा आजदेखि विश्वकप फुटबल प्रतियोगिता सुरु हुदैँछ। प्रतियोगिताको उद्घाटन खेलमा आज आयोजक रसिया र साउदी अरेबिया भिड्दैछन्। खेल मस्को स्थित राष्ट्रिय रंगशाला लुजनेकीमा हुनेछ। फिफा वरियता अनुसार विश्वकपमा सहभागि रसिया सबैभन्दा कमजोर मुलुक हो। तर आयोजक र समर्थकका हिसाबले रसिया फाइदामा रहनेछ। रसिया फिफा वरियतामा ७० औँ स्थानमा छ भने साउदी अरेबिया ६७ औँ स्थानमा छ।

Design & Developed by 3d Nepal & Dbros Technology Pvt. Ltd